Meer oor Susan Coetzer
Die media sê gewoonlik ek is ’n vrou van vele talente en fasette – bekroonde aktrise, skilder, skrywer, joernalis, inspirerende spreker, ma, kok, sakevrou, maar ek is ’n vrou net soos jy! My rys brand ook vas. Ek baklei ook oor die leë Jack Daniels-bottel en die toiletflap en die nat handdoeke op die grond. Ek wil al my soetgoed met jou deel, want ek deel jou seerkry en pyn en ek wil jou pyn in purpose verander.
Daar is altyd iemand wat swaarder kry as jy. Daar is altyd iemand wat net ’n drukkie of ’n glimlag nodig het. Reik uit na die mense om jou en dit sal meer as te veel keer terug kom na jou toe.
Op hierdie webwerf wil ek graag hoor van jou blydskap en jou pyn. Ek wil hê ons moet mekaar ondersteun en ophelp as die son die dag nie wil skyn nie!
Kom ons lig ons teekoppies, koffiekopies of sjampanjeglase op al die gratis soetgoed vir die siel!
Al my liefde, Susan x
Susan Coetzer Boeke
Tjoklits vir die Siel
’n Ware verhaal van vier vroue in hul veertigs se perspektief word vir ewig verander wanneer een se oudste dogter in ’n donker gat verval. Hulle word weggevat van hulle lewens van glitz en glamour en word bekend gestel aan pyn en drama.
Custard vir die Siel
(Lig, Lewe en Liefde ontdek) Oros vir die Siel is Susan Coetzer se eerste roman en sy glo dat dit ’n devine opdrag van die Skepper was. Sy glo dat die boek eers die lig moes sien na jare wat die Pottebakker haar (die klei) gebrei het om die boodskap aan die mense oor te dra.
Oros vir die Siel
Die eerste roman gaan oor die lewe van 42-jarige Kyle van Aswegen, sy het als waarvoor ’n vrou kan vra.’n Ryk man, twee kinders en moody copper high-lights om haar weg te kry van die gin en tonic. Kyle kry haar pad kerk toe, waar sy die swaar tas van haar verlede by die Here afgooi en Oros kry om haar dors te les.